Sonatorrek

WardrunaWardruna 

Follow 0 fans

Wardruna

Wardruna is a Norwegian music group formed in 2003 by Einar Selvik along with Gaahl and Lindy Fay Hella. They are dedicated to creating musical renditions of Norse cultural and esoteric traditions, and make significant use of Nordic historical and traditional instruments including deer-hide frame drums, flutes, kraviklyr, tagelharpe, mouth harp, goat horn, and lur. Non-traditional instruments and other sources of sound like trees, rocks, water, and torches are also used.The band have released four full-length albums, the first three based on Norse mythology, the last based on the sayings of Odin from the Völuspá and other old Norse sources. TeamRock.com described Wardruna's music as "a conjunction of the earthy, the organic and the ethereal" with "runic-based… more »

15:52

22 Views

Playlists:

#2

Icelandic

 The easy, fast & fun way to learn how to sing: 30DaySinger.com

1. Mjǫk erum tregt 
tungu at hrœra 
með loptvétt 
ljóðpundara
esa nú vænligt 
of Viðurs þýfi, 
né hógdrœgt
ór hugar fylgsni.

2. Esa auðþeystr, 
þvít ekki veldr 
hǫfugligr,
ór hyggju stað 
fagna fundr 
Friggjar niðja, 
ár borinn
ór Jǫtunheimum,

3. Lastalauss
es lifnaði
á nǫkkvers 
nǫkkva bragi 
jǫtuns hals 
undir þjóta 
náins niðr
fyr naustdurum.

4. Þvít ætt mín
á enda stendr, 
hreggbarnir
sem hlynir marka 
esa karskr maðr, 
sás kǫggla berr 
frænda hrørs
af fletjum niðr.

5. Þó munk mitt 
ok móður hrør 
fǫður fall
fyrst of telja
þat berk út
ór orðhofi 
mærðar timbr, 
máli laufgat.

6. Grimt vǫrum hlið, 
þat 's hrǫnn of braut 
fǫður míns
á frændgarði
veitk ófult
ok opit standa
sonar skarð,
es mér sær of vann.

7. Mjǫk hefr Rǫ́n 
of rysktan mik, 
emk ofsnauðr
at ástvinum 
sleit marr bǫnd 
minnar ættar, 
snaran þǫ́tt

8. Veizt ef sǫk 
sverði rækak, 
vas ǫlsmið 
allra tíma, 
hroða vábrœðr, 
ef viða mættak, 
fórk ægis 
andvígr mani.

9. En ek ekki 
eiga þóttumk 
sakar afl
við sonar bana 
þvít alþjóð
fyr augum verðr 
gamals þegns 
gengileysi.

10. Mik hefr marr 
miklu ræntan, 
grimt es fall 
frænda at telja, 
síðan s minn
á munvega 
ættar skjǫldr 
af lífi hvarf.

11. Veitk þat sjalfr, 
í syni mínum
vasa ills þegns
efni vaxit,
ef randviðr 
røskvask næði, 
unz hergauts 
hendr of tœki.

12. Æ lét flest, 
þat s faðir mælti, 
þótt ǫll þjóð 
annat segði
mér upp helt
of herbergi
ok mitt afl
mest of studdi.

13. Opt kømr mér 
mána brúðar
í byrvind 
brœðraleysi 
hyggjumk umb, 
es hildr þróask, 
nýsumk hins
ok hygg at því,

14. hverr hugaðr 
á hlið standi 
annarr þegn
við óðræði 
þarfk þess opt 
við þrágǫrum. 
Verðk varfleygr, 
es vinir þverra.

15. Mjǫk s torfyndr, 
sás trúa knegum
of alþjóð
elgjar galga,
þvít niflgóðr 
niðja steypir 
bróður hrør
við baugum selr.

 16. Excluded. Missing, incomplete verse.

17. Þat s ok mælt, 
at mangi getr 
sonar iðgjǫld, 
nema sjalfr ali, 
né þann enn,
es ǫðrum sé 
borinn maðr 
í bróður stað.

18. Erumka þekt 
þjóða sinni,
þótt sér hverr 
sǫ́tt of haldi 
burr s býskeyðs 
í bœ kominn, 
kvánar sonr, 
kynnis leita.

19. En mér fens 
í fǫstum þokk 
hrosta hǫfundr 
á hendi stendr 
máka upp
í aroar grímu, 
rýnnis reið, 
réttri halda

20. Síz son minn 
sóttar brími 
heiptugligr
ór heimi nam, 
þanns ek veit,
at varnaði 
vamma vanr 
við námæli.

21. Þat mank enn, 
es upp of hóf
í Goðheim
Gauta spjalli 
ættar ask,
þanns óx af mér, 
ok kynvið 
kvánar minnar.

22. Áttak gótt 
við geirs dróttin, 
gerðumk tryggr 
at trúa hǫ́num, 
áðr vinan
vagna rúni, 
sigrhǫfundr,
of sleit við mik.
 
23. Blœtka því 
bróður Vílis, 
goðjaðar,
at gjarn séak,
þó hefr Míms vinr
mér of fengnar 
bǫlva bœtr,
es et betra telk.

24. Gǫfumk íþrótt 
Ulfs of bági,
vígi vanr,
vammi firða,
ok þat geð,
es gerðak mér 
vísa fjandr
af vélǫndum.

25. Nú erum torvelt. 
Tveggja bága
njǫrva nipt
á nesi stendr
skalk þó glaðr 
góðum vilja 
ok ó-hryggr 
heljar bíða.

 Become A Better Singer In Only 30 Days, With Easy Video Lessons!