Daya

Follow 0 fans

1shh

3:32

6 Views

Javanese

 The easy, fast & fun way to learn how to sing: 30DaySinger.com

Mei dil ki baat bolne mei itna sahi nahi hu
Lage sab aage badhe par mei abhi bhi vahi hu
Puraani tasveere dekh ke lage mei nahi hu door uss pal se
Sabko bolu jhooth mei has ke
Cheekhe nikle andar mere mann se
Par aage na jaaye gardan ke
Aur bojh na hoye mere halke
Dar ke maare
Chup rahu aur band mei apne dabbe mei
Rou toh sirph mei apne kandhe pe
Doobte hue haath nikala apna maine
Par baakiyo ne dekhke aisa undhekha kar diya mujhe ki
Mei heraan kyuki mei inhei saalo se jaana
Kabhi nahi pehechana ki saare andhe the
Par samajhta hu
Kam se kam koshish toh zaroor karta hu
Aaj kal bohot busy sach hai bahane
Par mujhe pata hai poore din phone hai tere haath mei
Poori zindagi sabki sthitiya samajhta gaya
Doosro ko zyaada humdardi dikhata gaya
Hazaaro dhokebaazo ko unworthy maafi di
Khudh ko kyu nahi kabhi dikhaayi itni daya maine
Khudh ko kyu nahi kabhi dikhaayi itni daya
Khudh ko kyu mei ek pal bhi araam na
Karne du bina dimaag mei guilt aaye
Khudh ko kyu mei ek pal bhi dikha na
Paau jo pyaar mera kholke dil baatei
Mei sach bolu toh
Thodha mujhe bhi chahiye
Mei de de ke thak gaya
Yeh hai mera sacha baya
Kyuki mann ke sookhe kue mei ab kuch bhi nahi hai
Par phir bhi yeh maangei toh mei hu dene ke liye taiyaar
Apni pyaas ka paani mei karu kurbaan
Phir saans na aati
Par nakli muskaan mere hoth se na jaati
Kyuki apni chinta se na karna chaahu bhaari kisi ko mei
Mei madad maangna chaahu par kaise hai yeh fair
Ki khudh sambhaal na paau toh daalu apna dher
Jo nirdoshi hai woh kyu sahe meri saza
Bhugat raha hu toh yahi hai kismat mei likha
Khudh ko kyu nahi ab dikha raha mei daya
Khudh ko kyu nahi ab dikha raha mei daya
Sach toh yeh hai
Ki shayad hi kisi ne mujhko aisa kuch bola
Jisse sach mei sunn ke kuch toh farak ho padha
Kyuki end mei mei sirph khudh hi ki sununga
Shayad apni madad sirph mei hi karunga
Tanhaayi mei taqat mei dhoondh toh lunga
Akele rehne de
Aaj sab sahi gaya toh mei khudh se milunga

 Watch: New Singing Lesson Videos Can Make Anyone A Great Singer