Musica

Follow 0 fans

Alex. The Human

4:08

0 Views

Playlists:

#1

Occitan

 Struggling with Musica? Become a better singer in 30 days with these videos!

Musica es quai chi'm calma in situaziuns d'euforia
Id es melodia chi'm fa invlidar problems e'm fa saintir allegria
Per mai musica es poesia
Caligrafia verbala chi'ns toca co chi füss magia
Musica es la glüm dal di chi'm iglüminescha
Es quai ch'eu douvr, id es quai chi'm inspirescha
Musica es viver il sentimaint cun chi chi's identifichescha
Id es ün vaibe chi's bada, chi's svilupescha
Id es partir cun oters lur sentimaint intern
Musica es adüna preschaint, es sco l'amur matern
Musica es amar
Musica es sbragir
Id es insömgiar, id es tant cumbatter sco eir s-chaffir
Id es imprender, aquistar savüda, cun musica as prouva d'instruir
Musica es realness, quella as douvra per evoluir
Musica sun eu, est tü, musica es ün nus
Id es ün'uniun, üna paschiun, id es dedicaziun
Id es far tras la not per compuoner üna chanzun
Musica nun es be ün tun
Id es esser critic, creativ, id es scuvrir üna nouva dimensiun
Musica es stimulaziun d' emoziun
Musica es haivair il curaschi
Id es dir la vardà e laschar inavò ün messagi
Musica id es dir il fats
Musica es mia istorgia sco eir quella da meis antenats
Musica es saintir, communichar, id es exprimer la vardà
Musica es agir, as retrar e reflettar eir schi's es blessà
Musica es havair sang fraid e'l'istess mumaint muossar buntà
Id es exprimer lur sentimaint cul instrumental adattà
Musica es vita, üna roba basica
Id es lingua raquintond si'istorgia autobiografica
In fuorma da poesia üna roba uschè classica
Grazia pel sustegn, Engiadina, mia patria
Musica es tscherner cur chi nu s'ha tscherna
Id es ponderar e demuossar chi s'ha eir ün' otra tscherna
Musica es sentir
Musica es emoziun
Id es regordar mumaints e tils scuvrir cun l'agna interpretaziun
Id es paschiun e'l'istess mumaint mouver ün'intera gruppaziun
Per mai musica nu sun be frasas
Id es poesia, e poesia es daplü co be passantar ün per fasas
Id es üna roba cha per mai es vitala
Gnir cun lirica cumplexa, muossar mia vart intellectualla
Musica es ün lö ingio cha ningün'expressiun es invana
Id es üna sort art conteporana
Id es dar nouvs sens als pleds d'üna fuorma artistica
Musica es sparpagliar lur agna mistica
Demuossar lur vart eir schi's es expost a la critica
Per mai musica es tuot, grazia musica, tü est mia vita

 Watch: New Singing Lesson Videos Can Make Anyone A Great Singer