آية

Follow 0 fans

El Joker

3:54

0 Views

Arabic

 Struggling with آية? Become a better singer in 30 days with these videos!

كالعادة من الفجرية جريت أية على شغلها
تبيع كام عقد فل وورد يجيبوا ثمن أكلها
هي عارفة إن الساعة دي الناس بتبقى مستعجلة
ياما قضت في الإشارات ساعات ع الفاضي في الوقت ده

فخذت بعضها وقعدت على باب جامعة
من اللي هي ساعة ولقت بياعين بيجروا شكلها البلدية
لمت وردها وجريت دخلت شارع هادي شوية
ّلقت عربية جاية قالت رزقي أهو في رجلي
قالت له فل يا باشا بلدي وريحته تبسط
قالها تعالي علقيه وفتح الباب فركبت
حط إيده على شعرها سألها عن إسمها
قالت أية سأل عن سنها وقام لامس جسمها
جريت تعبت وقفت عند باب مدرسة عينيها
جات على أم بتودع بنتها ومش هاين عليها
تفلت إيدها من إيديها وتبعد عنها ولو ساعات
فـبصت للسما وسألتها أنا ليه غير البنات

أما القاهرة تنام والشارع يفضى أية تنام
كثر خير كباري بلدنا سقف للغلبان
آية بتنام بعين وعين وتصحى في عز نومها
كل ما تسمع صوت رجلين تدعي يا رب أسترها
أما القاهرة تنام والشارع يفضى أية تنام
كثر خير كباري بلدنا سقف للغلبان
آية بتنام بعين وعين وتصحى في عز نومها
كل ما تسمع صوت رجلين تدعي يا رب أسترها

مرت سنة وحالة أية هي، هي الحالة
مقابل البقاء مش أكثر كل يوم شغالة
نص النهار ده عدى على الكورنيش مجاش جنيه
شافت واحد وحبيبته وقفوا بعيد جريت عليه
قالت له ورد يا بيه خذ ولو وردة إهديها لها
وفجأة جه في بالها هل في يوم هبقى أنا مكانها

فاقت على الله يسهل لك كله صحيح يا شاطرة
كده معاها ألف الله يسهل لك النهار ده
لفت كثير لحد ما القدر رزقها
ببنات على باب مطعم إدوها أكل إتبقى
وقالوا لها تعالي يا حلوة تتصوري معانا
شكرتهم جدا على إحساس إنها إنسانة

وجات تعدي الشارع فاتحة العلبة تاكل منها
كانت عربية هتخبطها لولا واحد قام شاددها
وسألها إنت كويسة وخوفه ده مخليها
مستغربة إزاي ده نفس الشخص اللي برجله مصحيها
أنا وإنت فينا خير بس الحياة ساعات تلهينا
أو تظهر أسوأ ما فينا بس ده مش عذر لينا
كل طفل شوارع يستحق أكثر من نظرة حزينة
يستحق دعم بدافع واجب مش فضيلة

على ضفتنا أنا وإنت الحرب حرب فلوس ودروع
ع الضفة الثانية أية وغيرها في حرب ضد الجوع
فالمرة الجاية لما تقابل أية في الإشارة
راعي إن العرق بنزين ومتبقاش شرارة

أما القاهرة تنام والشارع يفضى أية تنام
كثر خير كباري بلدنا سقف للغلبان
أية بتنام بعين وعين وتصحى في عز نومها
كل ما تسمع صوت رجلين تدعي يا رب استرها

أما القاهرة تنام والشارع يفضى آية تنام
كثر خير كباري بلدنا سقف للغلبان
أية بنت إثنا عشر بقى لها خمسة منهم
هي وكل طفل شوارع من اللي المجتمع خاذلهم

أما القاهرة تنام والشارع يفضى أية تنام
كثر خير كباري بلدنا سقف للغلبان
أية بتنام بعين وعين وتصحى في عز نومها
كل ما تسمع صوت رجلين تدعي يا رب استرها
أما القاهرة تنام والشارع يفضى أية تنام
كثر خير كباري بلدنا سقف للغلبان
أية بنت اثنا عشر بقالها خمسة منهم
هي وكل طفل شوارع من اللي المجتمع خاذلهم

 Struggling with آية? Become a better singer in 30 days with these videos!