Jojo
Bap
Struggling with Jojo? Become a better singer in 30 days with these videos!
Ich weiß nimieh wo, nur noch wie se do jing Die verbiesterte Ahl met dämm Hung ahn der Ling Zum Krüppel jemästet, wie en Karikatur Ne Jojo, dä belle kann, ahn ner Schnur Die die ahl Frau nit losslöht, op jarkeine Fall Ihr läuf keiner mieh fott, wie die andere all Wie dä Mann, wo ihr nur en Schachtel Feldposs vun blevv Die se usswendisch kann, ävver trotzdämm ophivv En Sütterlin steht do, wie schön se ens woor Vüür allem ihr Naas un ihr pechschwazze Hohr Wie die vun dä Zijeunerin övverm Koppeng Op dämm Ölbild, dat ihr ens ihr Doochter jeschenkt Die, die jetz joot verhieroot en Rüsselsheim livv Met zwei Enkel un jed Johr zum Muttertaach schriev Wie der Sohn, der sich Johr un Daach nimieh jemeld Nur dat Dier, sons kei Minsch hätt die Ahl op der Welt Oder dä, dä em Ahnzoch, su lang ich nur weiß nahx beim Büb ahn der Thek steiht un unnohbar deit Dä nur sprich, wenn er sich jet ze drinke bestellt Och dä hatt sich dat all nit esu vüürjestellt Als er domohls aktiv en der ahle KP noch beseelt vun der Machbarkeit singer Idee Der vun Freede, Gleichheit en Freiheit jekämpf hätt Jebraat hätt ihm dat nix, nur die Zick em KZ Donoh Strafbataillon ahn der vorderste Front Wo er övverjelaufe un doch nit verschont Ne sechs Johr lange Winter, Sibirien dann, En e Bleibergwerk jottseidank nit ahn de Wand Dä hätt nie widder Fooß jepack, selden jelaach Sick`e zosinn moot, wie et nohm Kreech jing övver Naach Schnell et Parteibooch jewääßelt, wat nit ens schwer Die ahl Nazis, nit er, wooren lang widder wer Antoinette, die bürjerlich Erika heiß Un jed Naach Eck Maternus un Mainzerstrooß steiht Bess zwei, drei vill Freier kumme nit mieh Dat verletz`se, et dunn nit nur ihr Kramfohdre wieh Jeht off stundelang hin un her, waad dat wer hällt Für ne Quicky öm Röcksetz se bruch halt dat Jeld, Wenn och nimieh für Freddy, dä och leev sinn kunnt Dat dä fott ess, obwohl er su ärsch op ihr stund Hä, dä Big Spender un Heini, dä Doof Un Lisa, die Mösch, domohls leef et su joot En Schampanjer jebaad un met Nerz uffjedrüsch Hück Naach hällt bloß de Schmier, övverhührt, dat se lüsch Nä, kei Mitleid vun dänne, nit vun su en Pänz Der ihr Mutter se sinn künnt, nä wirklich, em Ähnz! Dann ald levver dä Neid, dä se fröher jespürt Övver dämm stund se drövver, dä hätt nie jestührt
The easy, fast & fun way to learn how to sing: 30DaySinger.com
Written by: MANFRED BOECKER, ALEXANDER BUECHEL, JAN-CHRISTOPH DIX, KLAUS HEUSER, STEPHAN KRIEGESKORTE, WOLFGANG NIEDECKEN, HANS WOLLRATH
Lyrics © Universal Music Publishing Group
Lyrics Licensed & Provided by LyricFind
Citation
Use the citation below to add these lyrics to your bibliography:
Style:MLAChicagoAPA
"Jojo Lyrics." Lyrics.com. STANDS4 LLC, 2024. Web. 1 Jun 2024. <https://www.lyrics.com/lyric-lf/1089942/Bap/Jojo>.
Discuss the Jojo Lyrics with the community:
Report Comment
We're doing our best to make sure our content is useful, accurate and safe.
If by any chance you spot an inappropriate comment while navigating through our website please use this form to let us know, and we'll take care of it shortly.
Attachment
You need to be logged in to favorite.
Log In