Tnamit

Follow 0 fans

Majid Akalai

3:16

0 Views

 Struggling with Tnamit? Become a better singer in 30 days with these videos!

Gg°deɣ akid‑m nammeɣ, m wer d‑am zmireɣ
Gg°deɣ a cem‑qqaseɣ, uca a cem‑ffadeɣ
Ggdeɣ a zeg‑m helkeɣ
Ad ssummuteɣ asitem, n tuffut x tnixt‑nnem
Ad dewleɣ ttwaliɣ‑cem, di tisitin n waman
Niɣ deg wudmawn, n tebriɣin n midden
Ad am‑ggeɣ ra d cem, tazeddiɣt jer yetran
Ad ttnuseɣ di lefyafi, smuqquleɣ deg‑m
Gd°ɣ akid‑m nnameɣ, am wer dam zmireɣ
Ul‑inu d ameẓẓyan, d agezzum, tayri wer kid‑s yennum
Yessen ad ixes, wer yessin ad imun
Yugel ɣer iḍennaḍ, cem teqqned ɣer tiwecca
Cem ɣer umaḍal, netta yettru x ddcar
Netta yettxes axiyyeq, cem teddred i wusfirnen
Cem tettrud x tudert, netta yeqqen ɣer yemlabḍen
Uca nnumeɣ akid‑m
Urid d tabrat rajiɣ, mala wer dd‑tusid
Niɣ rajiɣ alaɣi! niɣ a xaf‑i teksid
Tilifun d leqneḍ, idd xaf‑i yersin
Urid selleɣ i tnixt, izemmeɣ tettɣennid
Ma ssekkeɣ x tewlafin, i negga deg webrid
Niɣ xarrseɣ deg‑m, man tafart i di tensid
Niɣ uriɣ izlan x uraji, mala wer dd‑tusid
Nnumeɣ akid‑m, wer kidi tucid
Nnumeɣ am ssneɣ, belli cem wer tettnimid
Dewleɣ d abuhali d tiɣit!, tfesi‑ayi tidet di turjit
Wer yefsi uceddi n uraji, akkud mli ɣer‑s tnixt
iri yenna‑yi: arebbi feḍḥit! Am yefḍeḥ tnamit
Ttessuɣ‑am i twasit, mala tekkid d tamsebridt
Mkul tminut d tḥajit, ad am‑tent‑ḥajiɣ, uriɣt
Mkul tseɛɛet d twafit, ad‑am tt‑iniɣ, afit
Ass ydwel d taqeddidt, asegg°as yallah d tawezwizt
Mala "Einstein" ysela‑tt, ad yini: "rebbi fedḥit
Amen yefḍeḥ afizik, xayllah qelbit
Uca nemsafaḍ!
Nemsafaḍ wer nemsifiḍ, amsafaḍ d aḥessi
Negg°ed zeg uxeyyeq, ad xaf‑neɣ yeg aɛessi
Aḥeqq lalla Buya, tejjull mala nemsafaḍ
Ma ad tejj jar‑aneɣ, tfirut i wemsawaḍ
Ad tekref la d tidbirin, ikessin tibratin
Ad teɣres ra d tibratin, n yiḍa d teqdimin
Tejjull ad ayi‑tessru, necc yuẓeɣ‑ayi umeṭṭa
Tejjull ad ayi‑tesfad, uriɣ wer kemmleɣ aseṭṭir
Sneɣ illa tettrajid, ad am‑ṭṭfeɣ dg yezlan
Xayellah wer ggur, wer tejja amcan
Sneɣ illa tturjiɣ, ad yili tettrajid
Ad yili nniɣ‑am‑tt, maca d tasemmamt
Sneɣ illa tettrajid, ad tenyed ad teḍwed
Ad dayi‑tejjed, maca tturjiɣ
Tennid‑ayi: raja

 The easy, fast & fun way to learn how to sing: 30DaySinger.com