Traumtagerl

Follow 0 fans

Lausa

3:45

0 Views

German

 The easy, fast & fun way to learn how to sing: 30DaySinger.com

I sitz im Studio
Du kimmst vorbei
Und frogst, wos i moang dua
I sog i woaß no ned
Ja hoffentlich
Passen dir no d'Skischuah
Do gibts a Skigebiet in Österreich
Do hätt i an guadn Preis
Ja des oanzige is fürn Gruppenrabatt
Fehlen mir no a boa Leid
Dann is 5.30 Uhr in da Friah
Und es san no ned olle do
Und da Busfahrer der frogt verwirrt
Ob er scho losfoahn ko
Doch wir song
Na, nanana
Es san no immer ned olle do
Wir songma
Na, nanana
Es fehl'n de Leid
Für unser Traumtagerl
Mit am Kaiserwetter
Weil mit de richtigen Leid
Do mocht des Leben erst Spaß
Heid is a Traumtagerl
Mit am Kaiserwetter
Wir san a super Truppn
Heid gema Gas
Ja wir sitzen im Bus
Renma bled daher
Und dringan s'erste Bier
D'Mädels schlofan na
Und san genervt
Woll'n wieder auße bei da Dia
Sche langsam wochan's auf
Ja doch zum Ren
Brauchan se erst an Kaffee
In da Zwischenzeit
Stehma mia scho draußt
Und bisln nei in Schnee
Ja dann wird's scho hell
Und die Stimmung steigt
Weil jetzt sama dann glei do
Und da Berger schreit
I muas aufs Klo
Mia frong man
Ob er's dawoatn kann
Doch er sogt
Na, nanana
Und flitzt mit einer Schnelligkeit
Jetzt is er
La, lalalala
Und bereit
Für unser Traumtagerl
Mit am Kaiserwetter
Weil mit de richtigen Leid
Do mocht des Leben erst Spaß
Heid is a Traumtagerl
Mit am Kaiserwetter
Wir san a super Truppn
Heid gema Gas
In da Gondel geht da Smalltalk los
Jeder frogt, wos da andere duat
Und am Gipfe om do steigma aus
Und verstehma uns scho blenden guad
Ja da erste Schwung und d'Hälfte liegt
Guad, dass wir uns gfunden ham
Weil egal, ob schnei oder langsam
Als Gruppn hoitma zam
A a langer Skidog geht vorbei
Und wir foahma ins Hotel
S'Essen schmeckt voi fein
Und i sog zum Wirt
I dad no gern a Bier bestell'n
Doch er sogt
Na, nanana
Wir hama Sperrstund iatzt dann glei
Er sogt
Na, Corona is no ned vorbei
Uns mocht des goa nix
Unser Abend is lang ned versaut
Wir gehma obe in Keller
Im Zimmer warma vui z'laut
Wir spuima Harfe
Hoin des Fahrradltandem raus
Wir schauma uns o
Und dengan zruck
An unser Traumtagerl
Mit am Kaiserwetter
Weil mit de richtigen Leid
Do mocht des Leben erst Spaß
Heid is a Traumtagerl
Mit am Kaiserwetter
Wir san a super Truppn
Heid gema Gas
Heid is a Traumtagerl
Mit am Kaiserwetter
Und mit de richtigen Leid
Do mocht des Leben erst Spaß
Heid is a Traumtagerl
Mit am Kaiserwetter
Wir san a super Truppn
Heid gema Gas
Wir san a super Truppn
Heid gema Gas

 Watch: New Singing Lesson Videos Can Make Anyone A Great Singer