Rúnarslagur (feat. Hilmar Örn Agnarsson & Söngvinir Jónasar)

Rúnaslagur Grímur Thomsen Hemingur reið með hömrum fram, haglega strengir gjalla, grösugum sat þar Huld í hvamm, hörpuna knúði snjalla Rammar slær hún rúnar Fyrsti slagurinn er hún sló, strengirnir fagurt gjalla, hestar og fé á heiði og skóg högunum sinntu valla Rammar slær hún rúnar Annar slagurinn er hún sló, strengirnir fagurt gjalla, valurinn, sem af víði fló, vængina lét hann falla Rammar slær hún rúnar Þriðji slagurinn er hún sló strengirnir fagurt gjalla, fiskunum í fljóti og sjó förlaðist sund að kalla Rammar slær hún rúnar Lifnuðu blóm og laufgaði skóg, ljómaði roði á bergi, Hemingur sporum Slungni sló, stilla því mátti hann hvergi Rammar slær hún rúnar Logaði fjall, svo lýsti í dal, leiftraði af dýrum steinum, opnuðust dyr á dísar-sal drifnar af kristall hreinum Rammar slær hún rúnar Hemingur sporum hestinn hjó, hrökkti hann ofan í gjána, gýgurin kalt í gljúfri hló, grillti í urðarmána Rammar slær hún rúnar