Gwitter

Ja ehrlechgseit : i ha richtig schiss vorem tod ohni frag U bi bis iz eigch o rächt lang vrschont gsi vodäm tag U mitemne schlag - wirdi plötzlech konfrontiert mitem läbä Ab iz vrgissi dr momänt nüm - dört am hocke ufdr stägä Du steisch unge u vrzeusch - i merke dsch iz isch ärnst Ke blöde spruch - schwigend hocke - aus i mir isch läär Anschinend wachse dini zäue unufhautsam i dir drin Gopf di scheiss szene brönntsech äuä für immer i mi gring Ja u es stimmt - wes öpper verdient hät - de bestimmt nid du Es hei di früecher nid viu verstange - s het nid gstimmt ir schueu Aber du bisch härä gstange mitemne lache im gsicht U hesch aune chöne vergä - au di sache si gschicht U drum lacheni iz - mitere träne im oug Wüu o nach dere schlacht - wärdemer zrug lähne mit stouz Gopf i länge a houz - u hautemi a jedem haum Egau was passiert - mir schreie am chräbs üse psaum Figg di Figg d chemo Figg ds spitau Figg aus Figg was passiert Du weisch genau Figg chräbs Figg chräbs Figg chräbs U ds iz Gopferdami zletschte mau! Ja fuck du hesch aube no witze gmacht mit 27 z ga Wine legändä wo nachere overdose ischlaft U iz chasch - bewise dasde ä legändä bisch wo blibt Tumore verteilt übere körper - rügge, brust,u so shit Figg 50 prozänt heilig - i bi 100 sicher dasdes packsch Bi 100% sicher das niemer verkackt 100% sicher das das nid dr afang vom ändi isch 100% sicher dases dr afang vore wändi isch Du läbsch schliesslech iz scho gsünger - aus ig u di meiste Du hesch bis iz scho meh shit erläbt aus ig mir cha leiste Am schluss bisch sicher dä wo lenger blibt vo üs zwöi Auso bewiis aune wiise chittle was mir chöi wemer wöi Hesch dr wäg scho gstartet - bart u haar si usgheit Z lache blibt - u d hoffnig - das das wo d ärzt plane ufgeit D frag nützt nüt wiso dases di us aune het troffe Iz muessme eifach warte - kämpfe u hoffe Figg di Figg d chemo Figg ds spitau Figg aus Figg was passiert Du weisch genau Figg chräbs Figg chräbs Figg chräbs U ds iz Gopferdami zletschte mau! Man ja logisch isches o für mi nid nid top u aues guet u Wenis am wenigste erwarte wird mi chopf vo au däm gfluetet Es isch e gradwanderig zwüsche trurig si und wuet Zwüschere glichgüutigkeit wosech abwächslet mit chli muet Aber fuck nei i bruche ke liebi u ke umarmig I bruche eifach - mi brüetsch wo no chli da blibt Ja es isch e kampf für üs aui - aber kämpfe mueschne du Aber i stange immer näbädran - bis zum ändi blibmr stur Gopferdami - ds isch no lang nid üse letscht winter No lang nid dr letscht früehlig o lang nid z letschte gwitter O wes vilech z grösste jemaus wird si Chunnt o irgendeinisch wider z sunne - u au ds ich vrbi Irgendwie isches komisch wisech hie jedi zile säuber schribt Gopf i mache kes lied wüude wäg bisch - i mache es lied wüude blibsch! U wi dr vätt immer seit z ändi ds isch guet Wüu wes nid guet isch, ischs nid z ändi - ziehmr us däm doch chli muet