كيف الوضع [Original]

كيف الوضع اليوم؟ طمّني دخلك قالولي هالجوّ جايبلك أجلك مع انـّو لبنان لوحة ألله راسما يا قطعة سما عالأرض تاني ما الا تسعين بالميّة غابات وأخضر ماشالله قشـّة ما في عالطرقات بالبلد كللا الحمدلله عنـّا الأوزون ما انفخت مرّه وعنـّا فايض أوكسجين ومنشحن لبرّا وبتقللي صدرك مطربق واحترق نفسك كيف الجيبي اليوم؟ مفخوتي جيبك وما آخد عالجوّ ومخترب بيتك مع انـّو السّياحة عنـّا سمالله منتشرة بيدوخ الزاير تيلاقي سيّارة أجرة جبيل بعلبك صيدا وصور الناس فواج فواج تللوا جبال الما بتنطال انتشروا عالبلاج بعلمك بعيون السيمان ببرنيطة وسكي بنصّ ساعة صاروا عالشطّ بصاك وبيكيني وانت يا حسرة ولا مرقد عنزة صايرلك كيف الحقّ اليوم حفظنالك حقــّك تركنالك الجوّ استثمرنا أرضك وبعنا لبنان الكرامة والشعب العنيد وجبنا برازق وقضامي وفستق العبيد وبرجر طازة أميركاني وفودكا روسيّة وسجّاد معرّق ايراني وجبنة فرنسيّة صدّرنا الشبّ اللبناني عَ بلاد الخليج استوردنا نفط وكم نخلة ليكون عالكورنيش وفـّرنا عليك التفكير وفكـّرنا عنـّك كيف الحلّ اليوم؟ تنضبّ ببيتك وترغلج عالجوّ وتظبّط وضعك