Old is niad nei

Follow 0 fans

Bezirk Oberpfalz

2:32

1 View

Playlists:

#1

German

 Watch: New Singing Lesson Videos Can Make Anyone A Great Singer

Owa oins, zwoa, drei
Owa old is niad nei
Owa nei is niad old
Und woam is niad kold, kold, kold

Kold is niad woam
Und reich is niad oam
Oam is niad reich
Und ungrad niad gleich, gleich, gleich

Gleich is niad ungrad
Und a Wong, dea hat vier Rad
Vier Rad hat da Wong
Und singa is niad song, song, song

Song is niad singa
Und danzn is niad springa
Springa is niad danzn
Und d'Fläi san koine Wanzn, Wanzn, Wanzn

Wanzn san koi Fläich
Und Odln duad niad wäi
Wäi duad niad Odln
Und làr is niad voll, voll, voll

Voll is niad leer
Und a Knecht is koi Herr
A Herr is koi Knecht
Und a Karpfen koi Hecht, Hecht, Hecht

Hecht is koi Karpn
Und a Zither is koi Harpn
A Harpn is koi Zither
Und säis is niad bitter, bitter, bitter

Bitter is niad säis
Und d'Händ san koine Fäis
D'Fäis san koine Händ
Und krank is niad gsund, gsund, gsund

Gsund is niad krank
Und a Stuhl is koi Bank
A Bank is koi Stuhl
Und d'Boum gengan in d'Schul, Schul, Schul

In d'Schul genga d'Boum
Und a Kraut is koi Roum
A Roum is koi Kraut
Und a Deandl is koi Braut, Braut, Braut

Braut is koi Dirn
Und a Epfl is koi Birn
A Birn is koi Epfl
Und a Mas is koi Träpfl, Träpfl, Träpfl

A Träpfl is koi Mas
Und a Kroug is koi Fas
A Fas is koi Kroug
Und zwenig is niad gnoug, gnoug, gnoug

Gnoug is niad zwenig
Und a Dreck is koi Hänig
A Hänig is koi Dreck
Und d'Schwartn is koi Speck, Speck, Speck

A Speck is koi Schwartn
Und spülln doud ma mid Koatn
Mid Koatn doud ma spülln
Und d'Schiffleit fohrn Zülln, Zülln, Zülln

Zülln fohrn de Schiffsleit
Und de Narrn, de wern niad gscheid
Niad gscheid wern de Narrn
Und de Schiffsleit san gstoam

 Become A Better Singer In Only 30 Days, With Easy Video Lessons!