Umbono

Follow 0 fans

Mdludla and Mandue

3:04

0 Views

Playlists:

#1

 Watch: New Singing Lesson Videos Can Make Anyone A Great Singer

Ndino mbono sivelisa sivuselela ilali
Eyavaleleka phantsi kweNgqushu yexesha
Sibuye sinqula uQamata umqambi noMdali
Ndamila iimpiko mhla ndaphupha
Njengo mntwana odlala ngokungakhathali
Ngamagama kuphume umbongo
Andileqanga mpumelelo nto nje
Ndikhanyisa uMtshabeni neziphuluka
Amaphupho yindyebo esinayo
Ngesininzi
Ndino mbono sivundulula sivuna ulwazi
Singumhlaba onothile omila amagama
Singamathambo enkolelo eenkonde
Nomculo owonwabisayo ka MaDosini
Ovusa ivumba lemanyano
Kwimpumlo ka Chosi no Dana
Ingqondo zookhokho ezingenakuthelekiswa nanto
Licuba eliqhuma kwiinqawe zamaqhawe
Siphuhlisa isiXhosa sixaka amagqobhoka
Sinomkhosi weeminyanya osimpavelayo
Enzulwini yobuntu bethu
Ndinesikhali esibukhali esingu Makhakha.
Matyobo ka Makhakha uliqhawe
Ngcwaba lakho elihonjiswe ngesidima
Nobulungisa
Liphezu kwentaba yenyaniso
Usihlambe ngamanzi obuciko
Ixesha liyazicacisa ingcambu
Zengcamango zakho
Izingqi zakho ezimandla
Zishiye umhlaba ungcangcazela
Okwe langa liphuma ekuseni
iAfrika izakuthi gqi igqwese igqame
Iqaqambe
Mdludla ka Matyobo
Ndino mbono sibuya entshona
Mna nawe sibambene
Sibuyela ngeneno siqhwesha
Kumsinga usikhukhulisa
Uhlambeka umhlwa amehlo evuleka
Sibona kwakhona inkungu ityhileka
Siphinda siyifumana indlela
Sikhwazana sibonisana sibangulana
Sisinga apho kungenje kuzwedala
Sithandana singabantu kwakhona
Iintliziyo zincinciza yimincili
Komncinci nomdala omncinci
Ulangazelela ukubona imbo
Ayigqibela ezimbalini omdala
Uyakriphuleka ngumbiliini
Uzama kubuyisa ingqondo
Akhumbula apho ebeshiye khona
Laphuma ilanga lema
Esizikithini sesibhakabhaka
Lathoba lanqwala yehla imvula
Lavuma icamagu kwachosi
Kwachosi kwabahele samnkelwa
Ngeentsikelelo ngamanyange
Sangxengeza ngeziphene nempazamo
Saxolelwa abila amagogogo

 The easy, fast & fun way to learn how to sing: 30DaySinger.com