Merwes-iwdan
Majid Akalai
Become A Better Singer In Only 30 Days, With Easy Video Lessons!
Aqqa-yi ruḥeɣ din Mani nebna axxam Ufiɣ-ten marra din Ttseqsan-ayi x-am Maɣar wer dd-tbin Ma tessekk-dd slam Maɣar min tt-yejjin Wer dd‑tẓur iẓuran Aqqa‑yi ruḥeɣ din Mani nejja iɣunam Aqqa-yen ɛad din Ɣemyen deg ilegmam Iɣẓer-nni inetyen S wefraḍ d usennan Qaɛɛad nessitim A deg-s iraren iselman Aqqa-yi ruḥeɣ din Mani neḥseb itran Ṭṭlam wer dd‑itendil S llambat n yewdan Ajenna wer yessfi Am lebḥar n lburan Yedra-t ddexxan Am tayyut xmi tejjan Tibeḥḥar d lebḥar Dewlent d amessuki Afza ccin‑t iḍaren Ydwel wer yesɣemmi Lebḥar d ibeḥrar S tcuyar n uɣummi Aslem yecca wuzzal Iqess-it wer yuci Lmal zegga yegnu Yessitem ad yssiwel Min yejjin bnadem Yerra aksum baṭel Wenni i wer yecci Yegga x-as lmayel Niɣ yeṭṭef-as aqerṭas D weẓru ad yerwel Aqqa-yi ruḥeɣ din Ɛad texsi timessi I yerɣin di tɛensirt Cḥal d leɛgez i teksi Yennayer ɛad d wenni Ydwel i wemseksi Tafsut wer tesseɣmi Ajḍiḍ wer iressi Twiza wer ɣer-s nedwil Ajjar wer x-as neɛqil Wer t‑nesqisi ura zi min Izayden zeg umendil Amedyaz ɛad yexla Tameɣra treni tettebsil Allunen wer ten‑nettif Mala wer ten‑dd‑nerḍil Aqqa-yi ruḥeɣ din Ufiɣ agdud yegnu Twedder‑as tmaziɣt Marra teqqar inu Tɣuri ugin ad tt-ɣren Tira dlint s usegnu Lemden qqaɛ ilessawen Iles nsen deg wanu Ttakaren di tussna Ttɛawaden i wawal Ta d nnec i tt-yennan Ta s ufusi i tura Lektub wer rẓimen Tecca-ten tzura Tɣuri ḥedd ma yeɣra Qaɛ ssnen i tira Aqqa‑yi ruḥeɣ din Isem ɛad d wenni Awtem egg-as tnayen Tawtemt ij n ikarri Jjullen ma a das-ttlaɣan I mmit‑sen itri Neṭṭat, qeḍɛen x-as Isem d ṭya n tziri Dlin-tet wer teḍḍehher Rrin x-as deg ifri Ḍefren-tet s wawalen Jjullen ma ad tili Ssarzgen xa‑s tudert Ḥerrmen x-as tayri Ɛad teqqar: aqqa-yi Nitni: ima ad tili Aqqa-yi ruḥeɣ din Tmijja wa telɣeɣ Iles mamec t‑nejja Ineqqeɛ di meẓleɣ Cedden xa‑s tiɣmas Ar mani yuẓeɣ Jjin tidet teffer Jar yiles d waneɣ Win yennan tidet Qa‑t ɛad deg wekraf Rnin din inneɣni Ul xasn yettnexḍaf Qa‑neɣ ɛad n tegg°ed Zi lexyal d waf Nettraja tilelli Ad terzef a daneɣ‑taf Aqqa-yi ruḥeɣ din Aqqa-tt ɛad d tenni Am nhar i nugur Aqqa-tt ɛad amenni Udem wer ibddel Aẓru wer yettnimi Xẓer kid‑m mala tẓured Ma ad tafed maymmi Terred x-afi tenna‑yi Aqqa‑yi raḥeɣ din Mani wer jjin min nnan Ḥedd yeqqar nnufren Hed yenna xlan Awal yettmud umass Tsewwasen ixsan Tirja‑inu Teksi‑ayi Rewleɣ zi merwes‑iwdan
The easy, fast & fun way to learn how to sing: 30DaySinger.com
Citation
Use the citation below to add these lyrics to your bibliography:
Style:MLAChicagoAPA
"Merwes-iwdan Lyrics." Lyrics.com. STANDS4 LLC, 2024. Web. 5 May 2024. <https://www.lyrics.com/lyric-lf/11022126/Majid+Akalai/Merwes-iwdan>.
Discuss the Merwes-iwdan Lyrics with the community:
Report Comment
We're doing our best to make sure our content is useful, accurate and safe.
If by any chance you spot an inappropriate comment while navigating through our website please use this form to let us know, and we'll take care of it shortly.
Attachment
You need to be logged in to favorite.
Log In