"I" (Ich)
by Avraham Fried
ר' אהרן הגדול האט זיך אויפגעכאפט פון ליכטיגן דביקות ארויס אימעצער האט פלוצלינג שטיל אנגעקלאפט אין פענסטער ביי אים אין זיין הויז ער הויבט אויף זיין קאפ פון דעם ספר און רעדט שטילערהייט פונקט ווי צו זיך ווער קלאפט עס איו פענסטער ביי נאכט אזוי שפעט ענטפערט אים אימעצער "איך" ר' אהרן לאזט ווידער ארונטער זיין קאפ ווארפט אויפן ספר די אויגן אראפ און שווימט זיך אוועק אין דעם ליכטיגן הייליגן וויידן אין סוף א לעבן וואס עס איז נישט וואך און עס איז נישט אין שלאף ווידער האט אימעצער שטיל אנגעקלאפט אין פענסטער ביי אים אין זיין הויז ווידער האט ער זיך געשווינד אויפגעכאפט פון ליכטיגן דביקות ארויס ווידער ער הויבט אויף זיין קאפ און ער רעדט שטילערהייט פונקט ווי צו זיך ווער קלאפט עס אין פענסטער ביי נאכט אזוי שפעט ענפערט אים אימעצער "איך" ר' אהרן לאזט ווידער ארונטער זיין קאפ די הייליגע אויגן לאזט ער ווידער אראפ און שווימט זיך אוועק אין דעם ליכטיגן הייליגן וויידן אין סוף א לעבן וואס עס איז נישט וואך און עס איז נישט אין שלאף ליגט אין דערויסן א פינסטערע נאכט פון איין פענסטער זעט זיך א שיין אימעצער שטייט ביי דעם פענסטער און ווארט ר' אהרן לאזט אים נישט אריין ער קלאפט און ער קלאפט און ר' אהרן פרעגט ווער און מען ענטפערט שטענדיק אים "איך" ר' אהרן גיט זיך נישט אפילו קיין קער און ווערט גלייך פארנומען מיט זיך שווער איז פארשטיין וואס דער צדיק ער טראכט וואס ארבעט אויף חסד ביי טאג און ביי נאכט און האט שוין פיל צענדליקער טויזנטער גרויסע בעלי תשובה געמאכט זאל לאזן א איד שטיין אליין אין דער פינסטערע נאכט פלוצלינג עס גיט זיך ר' אהרן א וועק צום פענסטער גייט ער צו גיך ווער קלאפט עס דארטן גיט ער א פרעג ענטפערט דער אימעצער "איך" ווער איז דער איך פרעגט ר' אהרן ביי אים זאגט אים אויס יענער זיין שם מיר זיינען ביים מגיד געזעסן נישט ליינג חברים געווען אויף איין ביינג איך פאהר שוין אהיים פון דעם מגיד צוריק און וויל נאר אריינגיין צו דיר אויף א בליק איך וויל אז דו זאלסט מיר היינט בענטשן אוו ווינטשן הצלחה און גליק איידער איך קער זיך באלד אום אין מיין שטעטל צוריק זאגט אים ר' אהרון אזוי שטילערהייט עס איז מיר באמת א פרייד דו פארסט שוין אהיים הער איך פון דיינע רייד איך מיין אבער דו ביסט נישט גרייט איך פרעג דיר ווער קלאפט און דו ענטפערסט מיר איך זאג צי דו ביסט געווען גערעכט ווי קען עס א מענטש אזוי זאגן אויף זיך צי האסט עס ביים מגיד געהערט מיר האבן געלערנט קיין איך איז נישטא נאר איין אנכי אין הימל איז דא און דער וואס האלט זיך אז ער איז א איך און איז ווערט עפעס פארט קאן דער באשעפער נישט וואוינען מיט אים אויף איין ארט א קרעכץ האט זיך אונטערן פענסטער דערהערט יע זאגט דער איד דארטן אהרן ביסט גערעכט איך האב ביי דעם מגיד נאך גארנישט געלערנט און נאך גארנישט געהערט און ער האט זיך תיכף צום מגיד זוריק אומגעקערט א קרעכץ האט זיך אונטערן פענסטער דערהערט יע זאגט דער איד דארטן אהרן ביסט גערעכט איך האב ביי דעם מגיד נאך גארנישט געלערנט און נאך גארנישט געהערט און ער האט זיך תיכף צום מגיד זוריק אומגעקערט
Written by: Yomtov Ehrlich
Submitted on: July 08, 2020
© Lyrics.com