Search results for 'gineen'

Khent ebitje get met iedereen tku gineen mi normaal doen
Dwoaze man verstand van een andjoen
Kuddegedrag kortzichtige proat
Mening kloar nie weten woarover dat goat
Een echte schande de mensheid e regelrechte rampe
Whent noois ezo gewild mo de weireld stoat in brande
We komen nie overeen we zin geweun te anders
En ezo en we één vo één tgevoel daw ier nie passen
Zoeken uzze spot tarten 't lot met die reize
Zot in de kop ey da wiln ze bereiken
Liefde da vind j'ier nie alene mo hoat
Op e braakliggend stik gezoaid deur voadertje stoat
We zitn aal vast in tfeit daw e mens zin
Medeverantwoordelik voer ieder mens ier
De grenze enkik joarn geleden al bereikt
Khen me volledig ofgeschreven van tsysteem en tbeleid
We zin nie machteloos nim ider oppermachtig
Me brein nog intact nie zwak mo superkrachtig
Komn zo weinig meugelijk butn en ik en zo me reden
Kwiln omoge mien krieg je nie na beneedn
Boeft die reclame nie slikt gin fabels
Doe nie lik iedereen doet etwa anders
Alles komt ut ieder leugen ontrafelt
Tied dawwet zegn we smietnt op tafel
Boeft die reclame nie slikt gin fabels
Doe nie lik iedereen doet etwa anders
Alles komt ut ieder leugen ontrafelt
Tied dawwet zegn we smietnt op tafel
Zhen us voorgeprogrammeerd zoender eigen wil
Niemand is ier vrie we zitn vast in tgeheel
Droain scheef zin de droad kwiet gegrocht oender boane
Verliezen de controle tis niet nog in orde
Kienders verdrienken op zoek na wa rust
Zhoren dat ier beter is mo graken noois an de kust
Tis nie beter wi we zien oe slicht dat bie junder is
Hele dagen schuldig voeln besefn oe verkeerd dat is
En niet niet dam kun doen tis us lot
We zin geboren woa dam geboren zin
In riekdom of opt stort
Tis plukkefort kgon tendn komn
Moet de jeugd ier nog opgroeien
Ik begunt lik te verstoan woarom
Da ze kiekn na de groend frutn in die smartphone
Witjewel zoedn under zelvn liever dom
Leven in de echte weireld makt je hele depressief
En ze kiekn toe nog vies ak wiln chilln met e spliff
Boeft die reclame nie slikt gin fabels
Doe nie lik iedereen doet etwa anders
Alles komt ut ieder leugen ontrafelt
Tied dawwet zegn we smietnt op tafel
Boeft die reclame nie slikt gin fabels
Doe nie lik iedereen doet etwa anders
Alles komt ut ieder leugen ontrafelt
Tied dawwet zegn we smietnt op tafel

’t is de mens nie die de zee pakt , de zee pakt de mensch
Min et de zee gepakt twas peizk ip een diesendag
Me beste kobboybotn en me coole lere veste,
E ‘k vor e poar docksides gewisseld en e geeln zudwester
De slekken e’k verloaten, en ze zeidn past toch ip,
Want de zee is kloaten sins da de visshn derin wipn

En as de wind go woain, trappekik tier af,
En as de wind goat droain ton zimewidder were weg

’t is de mens nie die de zee pakt , de zee pakt de mensch
Min et de zee gepakt twas heleganst ip tonverwacht
M’n erte dee zo zeer ip de zee eur geweld
K’n men moage uutgekeerd kwoarn dn elft vantyd geveld
In natte loakes e’k ge sloapen en ‘k en overal gekotst,
Kwoare hele no de kloaten en ’t e vele geld gekost
En as de wind go woain, trappekik tier were af,
En as de wind goat droain ton zimewidder were weg

’t is de vint nie die de zee pakt , de zee pakt de vint,
En ’t wuf van ip’t paltteland eur lot de zee ip de kant
De minne stoat te wachten ip ’t ende van de pier
Eur ogen zin gewaschen, De zee is eur verdriet
En ze blèt ip euren bolder, want eur vint ister nie meer
Met de zee en ol’t gedonder, ze wit dat i em nie were keerd

En vanafda de wind go woain, trappekik tier weer af,
En vanavda de wind goat droain ton zimewidder were weg

’t is de mens nie die de zee pakt , de zee pakt de mensch
Min et de zee gepakt lik of da jen taxi pakt
K poepn roend ip heel de wereld, over ol de oceoann
En al d’oceoann vergetn nois mi min noame
Kzetten voet an de groend in al de bordeeln
En ’t moe gineen alven oend nog me me voetn speeln
En vanafda de wind go woain, trappekik tier weer af,
En vanavda de wind goat droain ton zimewidder were weg

’t is de mens nie die de zee pakt , de zee pakt de mensch
En de zee paktehe mie en men boat derbie
M’n driemaster vliet deur ’t sop, lik e piele uut e boge
Min boat is sterk en trots, ’t is e stekker in jen oge
Ol de bekende kapitings tusschen iere en gunten doaren
Voarden ook nie in e vulbak of e doze van sigoarn

En vanafda de wind go woain, trappekik tier weer af,
En vanavda de wind goat droain ton zimewidder were weg

’t is de mens nie die de zee pakt , de zee pakt de mensch
En de zee ed min gepakt ’t was pijzik ip en zoaterdag
Je moe nie mi blèten moewder, want je zeune es matroos
Je moe nie mi schreemn voader, da je zeune twoater koos
Kik nu no jen kleenn, n schippert lik e god
’t is miskien nie klugtig, mo twas geweun me lot

En vanafda de wind go woain, trappekik tier weer af,
En vanavda de wind goat droain ton zimewidder were weg ...

Wen em aal in us, de duvel dat ije licht krupt
Flusterd ijen oren toet daje zelfbeeld instuukt
En ist licht uut ton ligget ijen eigen anden

Om je levensvlam zo fel meugelijk te doen branden
Lot de dagelijkse sleur je passies nie verkrampen
Giet liever e bitn zelf liefde ijen olie lampe
Oedet warme iedereen wil geren eki kun lachen
De beste wapens tegen dictators zien grappen
Kbeginn popovic ze theoriën beter te snappen
Tis pas awet zeste doel en dat de wereld veranderd
Mo we wiln andere diengen gie en ik

Dus bluvek riemn toe dat schip vriest in de dieperik
Me flow is auto immuun wie ken je gie da zieker spit
En aje goeie weed ed willek geren weten wien da je dealer is
Kun nie wachten ip de dag dat e duusje legal is
Shout out nor iedereen da wit dat vo de people is
Kzien tom riddle kgeven vame ziel an iedere beat e stik
In't process sterfter e neppe repper omdajen ego de pries ier is
Sagitarius da noois echt mikt

Dorom datr gineen ame precisie tipt
Kdoent upt gevoel met e visie die nie idyllisch is
Lezet in spiegelschrift tis god ze pen die in elke lyric zit
Ken met me stembanden een atoom gesplitst
K'maken iedereen wakker dat ant dromen is
Zelst doorn roosje dat in eur coma ligt
Tis nie romantisch, idder e klets in't gezicht

Wukke radio speelter vandage nog een ernstig gedicht
Is geld je geloof broer we steken die kerk in de fik
T'zal wel zien dat dezesten nie is we moen groeien
En tis in de vuulste groend dat de schoonste bloemn bloein
Smiet die stroent der mo bie der go bloed vloeien
Langst de straten en van de daken
K'animeren vier paarden en tien plagen
Toe daze palestina were vriemaken
T'zeste voe tibet, kwensen warmte nor de mens die wienig ed

Ip schaal ziewe geweun e groot miere nest
Dat an e sneltempo zorgt dat elk soort dier utsterft
Behalve tkooikieken dat uz eiers legt
En die koeie met e machine an eur tet
Antibiotica en hormonen oedn je zwien goed gezoend en spekkevet
Dooie beesten tis voe den echte lekkerbek
Fuck die hypocriete dichter dat ier erwtefret

Jis lik is e robot, of das wa da ze zeggen
Dat is ook zot, 't is gin gineen die mien etwa moet uitleggen
Ja, neen - je zie binair of ziet et nie
En dat is nie- deur een gebrek an meer empathie
Nee, ik zien beperkt deur e krappe batterie
Nul - één en al de reste snap ik nie
Gelik"biep boop" neen dat is niet goed
Want jed altied al problemen met alles dat ie ziet/doet
Alles ant berekenen, zeker een
Situatie woavan dak ik nie zoe weten wa dat ku betekenen
Mo da bluuft beter dan gefluister en gevezel
Buuten ton gecombineerd met et geluud van krekels
Lik fuck it, ik weet et ik ein losse viezen
En kzoe ze anspannen mo kmoen algortimes schrieven
Doodop
Ik zien lik een robot
Mor ik doen lik dak een mens zien
Ook al is da me wens nie
Doodop
Ik zien lik een robot
Ik moen letten op me intonatie
Is da de plaats nie?

Sam zegt daje op moe passen voe vlotte klappers met e rotkarakter
Mo k'kun ame zelve nie ontsnappen kwiln zelf bedrog ontkrachten
Want kworden oncomfortabel van me donkerste gedachtes
Der leeft e monster ime zwaktes, et gedrocht van aal men angsten
Koffer vol met barsten verdwaald en op wankel
K'preken e boodschap dame hand nie na handelt
Kbetrappen mezelven vaker mo kzien nog assan nie veranderd
Dezelfste dikke lul die een ander mikt op nul
Oentevreden over oe datten z'n eigen leven ed ingevuld
K'verwijten de ganse wereld voe me falen

Alsof danke zelve nie bepalen over wat dak doen en laten
Mo ken teveel misdaan voe't nog goed te praten
Tis lik ofdak overal soep van maken zoender smake
Der lig tevele zoet op tafel voe te kaarten
K'morsen her en der onkruid da rondsluipt
Tis soms beter dak me mond sluit
Want veel te vaak is't e strontluik
Dat de drie poorten ontduikt
Is alles waar wat dank zeggen
Meestal wel in mien versie van perceptie
Mor ik spreken ook in leugens

Soms onbewust soms immorele keuzes
Soms latek de noodzakelijkheid achterwege
En kies ek voer e nodeloze boodschap te delen
Misschien om mezelven te valideren
Misschien om de mensen te sneren
Een dieng wetek zeker
En das dak al te vaak d'aardighied zien vergeten
Tis de belangrijksten en toch ontzie'k em et meeste
K'voeln me ziek tot diep in me geeste
Omdank mezelven op zovele venijn betrappen
Tot op't punt dak vien dak et nie verdien vo te lachen
K'zoen wiln me gedachtegang me brune zeep kun wassen
Mor e slechte gewente is nie rappe platgestreken

Ver elke dag in padmasana ant mediteren
Mo gineen mantra oed me gedachtentrein tegen
En voorn dak et weten ziek weer in maya ant zweven
Tis ik die mezelven saboteren van met twi voeten ip de groend te treden
Tis soms verslavend voe je slicht ije vel te voelen
Kzien te haatdragend want kvien mezelf nie goed
Arrogante zak zoender zelfvertrouwen
Die alles kapot makt ookal was d'intentie vo t'elpen bouwen
Funk je beeld van d'ideale man
Ik bleten zo goed als iederen dag
Omdank me dervan bewust zien dank corrupt zien
Terugkieken op e leven vol fouten danke mezelve berouwen
Kzoen moen van alles da leeft kun houden
Tis 1 geheel dank nog teveel opdelen in ik en gie
Oftewel kuj god in alles vien oftewel kuje ze liefde nie zien

Dus te vaak starek me blind
E dwaas die em gedraagt lik e kind
En peist dattiet centrum van't universum is
T'materiele leven is nie belangerijk dus doetter etwa schoons mee
T'enigste da telt is daje vele vreugde doorgeeft
Woorden woabie dak de spiet nie ut m'n oog kreeg ank ze oorde
Want ik zien zo ver van me doel verloren gelopen
Ik zoe gern wiln zo vrolijk zien dajet vamen overkriegt
Mo k'zient type niemi die met bergen liefde smiet
Ook al dachtek lange dank dat in m'n aden
De tied eddet doen vervagen
Nu leefter allene nog e bittere schaduw
An de groend genageld
Oender't'gewicht van me schaamte omdak me tevele op impuls gedragen
Kvoeln me naakt gelik e geraamte die de warmte kwiet is
E neanderthaler die alle porcelein ip ze pad vernietigd