- 154 Views
There was a lass, they ca'd her Meg, And she held o'er the moors to spin; There was a lad that follow'd her, They ca'd him Duncan Davison. The moon was dreigh, and Meg was skeigh, Her favour Duncan could na win; For wi the rock she wad him knock, And ay she shook the temper-pin. Ai o'er the moor they lightly foor, A burn was clear, a glen was green; Upon the banks they eas'd their shanks, And ay she set the wheel between: But Duncan swoor a haly aith, That Meg should be a bride the morn; Then Meg took up her spinnin-graith, And flang them a'out o'er the burn. We will big a wee, wee house, And we will live like king and queen, Sae blythe and merry's we will be, When ye set by the wheel at e'en! A man may drink, and no be drunk; A man may fight, and no be slain; A man may kiss a bonie lass, And ay be welcome back again!
Discuss the Duncan Davison Lyrics with the community:
Use the citation below to add these lyrics to your bibliography:
"Duncan Davison Lyrics." Lyrics.com. STANDS4 LLC, 2022. Web. 5 Jul 2022. <https://www.lyrics.com/lyric/3137504/Jean+Redpath/Duncan+Davison>.