Munajat Mola Abbas (2020)

Follow 0 fans

Ali Raza Irani

12:06

8 Views

Playlists:

#2

Javanese

 Become A Better Singer In Only 30 Days, With Easy Video Lessons!

Girdaab se safinay dil ko nikal do
Zainab ka tumko wasta mushkil ko taal do

Abbas bekaso ke masiha tum hi to ho

Humko balay ghere hai mushkil kusha ke laal
Jaari hai ashk aankho se dil ka ajab hai haal
Darwaze saare band hai kis se kare sawal
Ghairo se kya gila kare apno ki hai ye chaal
Aao madad ke waste ghutta hai dam bahut
Dunia ki berukhi se pareshan hai hum bahut

Muflis hai kuch to kuch yaha zardar aay hai
Darbar me tumhare azadar aay hai
Aabid ka wasta liye beemar aay hai
Kar do karam hussain ke ghamkhar aay hai
Is tarha badlo bigde muqaddar ka faisla
Rahib ke haq me jaise tha sarwar ka faisla

Shar aur fasaad aaj uthay huy hai sar
Mahfooz ab nahi kisi momin ka koi ghar
Insan khud gharaz hai zamane me is qadar
Dushman hai bhai bhai ka hota hai khun jigar
Jazba wafa ki khun ki rawani me daal do
Saare jahan ko amn ke saanche me dhaal do

Taqat thi apni qom me bejaan nahi the hum
Itne gharib be saro saaman nahi the hum
Yu ranjo gham me pahle to ghaltan nahi the hum
Jaise hai aaj ayse pareshan nahi the hum
Zahni sukun ilmo taraqqi ka raasta
Abbas humse chute na neki ka raasta

Yaksa karam ho sab pe wo apna ho ya ke ghair
Sadqa sakina bibi ka dedo ali ke sher
Sooni hai jitni godiyan aulad ke baghair
Aabad kardo inko sakhi ab karo na der
Ik pal me tum hi bigde muqaddar banate ho
Tum hi to mufliso ko tawangar banate ho

Abbas kab chatengi ghamo ki ye badliyan
Bahne gharo me baithi hai ho unki shadiyan
Kubra ke aqde paak ke sadqe ki chudiyan
Jaay pahan ke maike se sasural betiyan
Ho khas kuch ataay tumhari ali ke laal
Maqbool ho duay humari ali ke laal

Saay me ahlebait ke gulshan sajaa rahe
Shohar ke saath biwi ka rishta sada rahe
Shikwa kisi ke lab pe na koi gila kare
Dolat se aitbaar ki daaman bhara rahe
Abbas phir se toote huy ghar basa do tum
Jo faasle dilo me hai unko mita do tum

Qasim ka wasta ali akbar ka wasta
Aur tashna lab sakina ka asghar ka wasta
Johno habib hurre dilawar ka wasta
Tum ko hussain ke tane besar ka wasta
Beghar hai jo gharib unhe saayban do
Sar ko chupane ke liye sab ko makan do

Har baat me mahak thi har ek lafz phool tha
Husne salook zaate nabi ka husool tha
Apna ho ghair sab ke liye ek husool tha
Aay wo daur phir se jo daure rasool tha
Sadqe me shah ke sara jahan ba shaoor ho
Parda uthe imame zaman ka zahoor ho

Ummul bani ke laal wafa ki tumhe qasam
Butalibo rasoole khuda ki tumhe qasam
Binte asad ki shere khuda ki tumhe qasam
Zahra ki shahe karbobala ki tunhe qasam
Mazhar pa aur raza pa bhi aqa karam karo
Tum ho sakhi humare sabhi door gham karo

 Watch: New Singing Lesson Videos Can Make Anyone A Great Singer