MITCHI PEKET

Claude NougaroClaude Nougaro 

Follow 0 fans

Claude Nougaro

Claude Nougaro (9 September 1929–4 March 2004) was a French songwriter and singer. more »

11 Views

Walloon

 The easy, fast & fun way to learn how to sing: 30DaySinger.com

E s'potche ine botèye
Hossant so ses s'kèyes
Vochal li sôlèye
Mitchî Pèket
C'est co pu d'ine fèye
Qui l'ome s'arèstèye
Po beûre à l'botèye
Inte deus rokets
So l'banc dè vinåve
Nosse Mitchî Pèkèt
S'a mètou à l'tåve
Leukîz nosse plankèt
Et si dès mohètes
Ad'lé lu passèt
Elles toumèt reud mwètes
Qwand c'est qu'a l'hikèt
Mitchî Pèkèt.

Volà qu'i distèle
On pô ses burtèles
I dwèm i ronfèle
I sôye dè bwès
I rouvèye dè r'mète
D'adrame si bråyète
Si panê vint foû
Mitchî Pèkèt
Si v'contez qu'ça l'djin.ne
Et bin vos v'trompez
I n'a nole Mad'lin.ne
Què l'vôreut hanter
L'amoûr les tchouf'trèyes
I tuze à aute tchwè
C'est ainsi, c'est s'vèye
I n'cwîre nin pokwè
Mitchî Pèkèt.

A pårt ine cûrèye
Ine Marèye Sôlèye
Qui n'a rin por lèye
Mins d'timps in timps
Elle lî påye li gote
Elle påye ine ribote
I n'a què l'corote
Qu'elle si plait bin
So les bwérds di Moûsse
Mitchî lîprind l'main
I lî tchante en doûce
I n'ér di d'vins l'timps
Et volà Marèye
Qui sètche si norèt
Qui tchoûle èt qui rèye
Po Mitchî Pèkèt
Mitchî Pèkèt.

S'i n'a rin po beûre
Il a l'bone piçeûre
I cwîre ine bone peûre
On bon crustin
I lî plaque as fèsses
I lî sôye les cwèsses
Tant qu'i n'a nin s'pèce
I n'låkrèt nin
E l'rowe di Bavîre
C'est tot halcotant
Qu'i tchante à s'manîre
On drole di "P'tit Banc"
Hètchant s'vicarèye
Come ine maladèye
I beut à s'botèye
Et riprind s'bokèt
Mitchî Pèkèt.

 The easy, fast & fun way to learn how to sing: 30DaySinger.com